張暖雅不齒：有人設計陷害

曾與Avis合作電影而相識的性感女星張暖雅，前晚出席公開活動時，對Avis與周秀娜分手表現感觸：「依家啲細路女為咗想上位會用好多方法！你可以利用單身男仔，但人哋喺埋一齊咁多年，就算你依家出到風頭，得到想要嘅嘢，但將來一定會全部還番畀人哋o架。做得太明顯喇，將來嘅路點行呀？大家都唔係傻o架嘛。」她直認所指的是疑似小三Vivian：「覺得係有人設計陷害、有目的咁做。（你指個女仔自己影相再公開？）係呀，覺得Avis好可憐。呢件事我覺得有人被故意利用。」同場的莊思敏亦稱：「聽到（分手）都好震驚，佢哋一齊咗好耐，以前我都有見過佢哋恩愛。」