陳茵媺情人節拒見陳豪
無綫新劇《單戀雙城》昨舉行開鏡拜神儀式，陳茵媺、陳展鵬、林夏薇、高海寧及洪永城等出席。《單》劇要到馬來西亞拍外景，令茵媺很期待，到時角色性格豪放的高海寧會穿三點式泳衣演戲。茵媺演的角色性格率直，她說：「我唔介意着三點式泳衣拍劇，但要視乎劇情有冇需要。我演嘅角色性格率直，經常會同陳展鵬有爭拗。」
《單》劇3月中才拉隊出外景，茵媺於2月14日情人節仍要拍廠景，問茵媺可有準備送禮物給陳豪？她說：「冇呀，我哋都咁忙，只要見到面，就係最好嘅情人節禮物。（如果兩個人開廠，大家可以互相探班慶祝情人節？）喺公司餐廳蠋光晚餐咁浪漫？我哋唔會，我開工時要全情投入，連手機都唔開，唔畀佢探班，唔可以見到佢，我怕一見到佢又投入番『陳茵媺』個角色。」洪永城暫拍了四日戲，兩晚拍通宵，他說：「辛苦到企唔直，去廁所都要爬入去。」