黃建東演丑角最開心
藝人黃建東（Derek）早前跳出娛樂主播框框，獲無綫派演劇集，他說：「啱啱喺新劇《巨輪》飾演律師行『師爺』，收到劇本發現我有一段長達三頁紙嘅對白，仲要係好多好複雜嘅法律詞彙，呢啲專業術語唔錯得，所以我一收到劇本就即刻搏命背。」
不過黃建東擔心自己表現唔夠好或者太過緊張，會連累同場嘅鍾嘉欣同蕭正楠，他表示：「好在佢兩個好好人，叫我唔使緊張，令我好快就可以投入到拍攝，話晒我都喺美國讀過戲劇，好彩我最後都冇丟到娛樂新聞台嘅架，後來又有份參與新劇《傳愛事務所》，仲可以同King Sir（鍾景輝）同場，令我獲益良多，我希望公司遲啲派多啲唔同角色畀我，最好係丑角，咁我就最開心！」