梁麗翹飲錯喜酒(火羅)到爆
前港姐梁麗翹（Nicole）認真大頭蝦，她自爆日前居然悉心打扮，「提早」一星期出席好友婚宴，並自嘲做了「全世界最蠢、最(火羅)嘅事」，她憶述：「前一日蘇民峰師傅先贈咗我兩句，佢話一睇就知我論論盡盡。第日（19日）我做完嘢即刻由銅鑼灣趕返屋企，再扮到鬼火咁靚趕去元朗飲朋友嗰餐，點知入到去一睇，冇個識嘅！我當時仲諗唔通佢哋改咗名？結果我再check番，原來19日喺三藩市擺酒，26日先喺元朗擺！」
Nicole又指平日已獲同事稱為「論盡小姐」，早前客串無綫新劇《巨輪》時，更差點將手機遺留在戲服裏，幸臨上車離開前發現。