名模楊崢日前以性感Deep V裙出席活動大晒事業線，提到有報道指她與一名老外型男狀甚親暱，問到對方是否新男友？她擺出一副冧樣默認新戀情：「我向來都低調處理感情，所以唔想刻意答係定唔係。（唔恨嫁？）可遇不可求，就好似中六合彩咁，唔可以話唔恨，又唔可以話好恨！」
談及好姊妹樂基兒（Gaile）早前被《好報》踢爆與新歡在新西蘭同居？她坦言好友長期不在香港：「我唔想拎朋友嚟見報，就算知都唔會講。（有傳Gaile買沙灘冧仔？）我知佢係用咗十萬蚊買沙灘。」
