徐子珊鐵人吸金 齋啡頂肚
徐子珊早前為服裝品牌拍攝新一輯廣告，拍攝前只睡了三粒鐘，故化妝時已忍不住「釣魚」，貪靚的她更只用「齋啡」充飢，期間亦只以幾舊橙代替午餐，絕對是女鐵人一名！
自去年於無綫頒獎禮奪得「我最喜愛的電視女角色」後人氣急升，除了商演活動，也獲不少廣告商垂青，酬勞亦升幅不少，早前她獲四度任代言人的服裝品牌續約，於是抽空拍攝新一輯平面廣告，雖然忙於趕新劇日夜癲倒，但子珊寧願犧牲休息時間，也堅持騰出拍攝期，難怪獲廣告商寵愛。
化妝「釣魚」
拍攝當日，子珊趕完新劇收工只返家小休三粒鐘，便出發到廣告拍攝場地開工，期間還要換十多套服飾，鏡頭前伊人表現專業，應攝影師要求不斷轉甫士，不過鏡頭後卻一臉疲態，她謂：「今朝先收工，真係好攰，不過冇辦法，頭先化妝都喺度釣魚，嘢都唔敢食，剩係飲齋啡去水腫，見佢哋食晏，我真係好想食，不過費事凸出肚腩，惟有死忍，咪食幾舊橙頂住囉！」
對於已四度與品牌合作，子珊賣口乖表示：「老闆娘好好，頭先特登嚟探班，仲買埋嘢食過嚟，真係好窩心（有冇加人工？）梗係有啦！仲要加得好好添！」談到新年將至，子珊透露將於工作中度過，未能跟家人四出拜年兼逗利是，認真慘情！
文：影視組