蕭家浩靠祖藍定驚

「前港男」蕭家浩（Edmond）在最近的熱播劇《老表，你好嘢！》中與王祖藍合作，Edmond感激祖藍指點，他說：「呢次係我參加完《香港先生競選》後首個拍嘅劇，仲要有對白講，冇乜演出經驗嘅我，當時都有啲緊張，擔心自己因為唔熟拍攝運作，會畀到麻煩大家，不過祖藍觀察力好，佢見到我好似有啲驚咁，就同我傾偈、鼓勵我，仲教我點樣可以放膽啲、誇張啲去演繹呢個角色，結果我最終一take過pass，真係好多謝祖藍嘅指點。其實祖藍係我一直欣賞嘅演員，佢做戲同唱歌都好好，呢個劇佢仲有份做埋編劇，真係多才多藝，周身刀張張利，同佢合作嘅過程中，我都學到好多嘢，希望快啲可以再合作，到時又向佢偷師。」