朱璇樂天：我容易吸引同類

無綫藝人朱璇予人樂天之感，大事小事都笑得一餐，不過她卻不願承認是傻大姐，更自認是一名文靜女生，她說：「一般朋友可能覺得我成日笑，不過熟咗之後，其實我都好靜！但我又唔係唔開心嗰隻，好多事都好諗得開，只係唔多嘢講、唔係好主動。」

愈來愈宅

雖然別人說Shopping是女人的天性，不過朱璇卻喜歡看書、看電影，難怪她也笑言是名「宅女」：「我絕對係好宅，依家呢個情況愈來愈嚴重，以前間中都出去玩，依家反而好鍾意去好安靜嘅地方，睇吓海、散吓步、睇吓書。」朱璇如此深閨，豈不是很難識男朋友？不過她卻笑說現時不急拍拖，反而父母還替她感到焦急：「有時爸爸媽媽打電話畀我，傾偈都會畀我少少暗示，成日問我做緊乜嘢？係咪自己一個人？有冇同啲朋友出去？可能佢哋開始擔心我成日宅喺屋企！」

性格乖巧

朱璇不玩不蒲，性格如此乖乖女，應該也未試過做瘋狂事，不過朱璇坦言一個女仔四圍捐窿捐罅，更完全不覺危險：「我試過一個人去意大利、荷蘭、比利時等，我唔覺得驚o架，人係可以吸引同類，只要你個心唔係想害人，都唔會吸引到啲想傷害你嘅人。我喺巴黎居住咁耐，都未試過發生被人搶劫同危險嘅事。」

文、攝：專案組

場地、服裝：bread n butter