娜姐露不可遏 轉勾唐僧
周秀娜「前度」陳偉成（Avis）的情史愈挖愈多，但娜姐似乎已忘情棄愛專心工作，其新一輯內地宣傳照亦已曝光，一身白骨精造型風騷入骨，難怪她笑言連唐僧也難敵她的誘惑。對於Avis與o靚模Mia（陳靜儀）疑似床照外洩，娜姐沒好氣地說：「問番當事人啦！」
自高調宣告飛甩Avis後，周秀娜開始重新投入工作，儘管「前度」床照相繼流出，她一於闊佬懶理，其新一輯內地個人形象宣傳照正式曝光，只見娜姐一身白骨精造型性感非常，相當搶韁，實行用行動證明自己忘情棄愛，專注工作。
最肥嘅白骨精
雖然娜姐近日減少性感，但其宣傳照造型卻盡把身材優點表露出來，只見其40吋長腿白淨又滑溜，最堅挺是其招牌事業線又長又深，加上一身白色打扮配以烈燄紅唇，難怪娜姐得戚地說：「問唐三藏點忍？其實依家仲等緊我心目中嘅唐三藏，我唔會食咗佢，只想同佢取西經啫，希望孫悟空唔介意。」
問是否已寄情工作？她說：「我不嬲十分投入工作，雖然依家我個造型係白骨精，我都算係最肥嘅白骨精，大家唔好再話我暴瘦喇！」對於Avis再爆與Mia的疑似床照，娜姐似乎已對他完全死心，沒好氣地說：「件事都過咗去，佢點都好啦，問番當事人啦，唔關我事！」
落閘拒絕回應
至於Avis昨日接受本報電話訪問時，被問到又有床照流出，他繼續閂閘，費事講多錯多：「唔回應喇，唔關我同周小姐嘅嘢就唔想再講，希望回復心情先算！」他坦言現在的心情既低落又失落，導致多晚失眠，他說：「希望大家畀啲空間我，等我搞好同周小姐啲嘢先。」言下之意是否與娜姐仍有關係，他說：「唔係，只係講恢復心情嗰啲。」隨即匆匆掛線！此外，Mia昨晚於微博表示，最討厭在網上搞事的人。
文：專案組