歌手雨僑（Ava）昨日出席校園活動，透露最近忙於拍攝電影，更大爆電影要順延至五月才拍完，問到是否怕好像電影《一代宗師》拍極拍唔完？她笑說：「我驚要仲耐啲，希望唔會好似韓星宋慧喬咁畀人剪剩一分鐘啦，不過喺現場睇甄子丹拍動作戲都好開心嘅。」而為拍電影染了一頭金髮的Ava，訴苦表示廣告商要求她染黑髮：「之前擺咗張金髮神奇女俠嘅造型照上網，嚇到廣告商癲咗，因為佢哋好注重形象，但個頭係咁漂搞到爛晒。」
