苟芸慧上唔到車加國買大屋

藝人苟芸慧早前有意在港置業,更被《好報》影到與友人到地產公司睇樓市走勢,但見只升不跌,自知上車無望,當時還跟友人哭訴。苟芸慧一直有儲錢望在港置業,既保值又不想捱貴租,但現在計劃可能有變,她說:「香港樓價有升冇跌,同樣一筆錢在加拿大可以買間大屋,在香港只能買細單位,覺得好唔抵,寧願返加拿大置業。」

昨日,苟芸慧出席商場新春揭幕活動,今年會留港度歲,由於工作量多收入增加,雖然冇計過賺到幾多錢,亦想跟人分享:「總之賺到錢就開心,趁新年大派利是。」她已有年幾未放過假,正計劃新年忙完放假外遊輕鬆一下。