張可頤全裸床戲震過貓王

張可頤昨日出席老夫子50周年活動,穿上旗袍及戴假髮扮老夫子的暗戀對象陳小姐,她又為老夫子設計一套西裝稍後作慈善籌款拍賣。提到施政報告仍未發牌給HKTV,她說:「自己唔可以代表HKTV或TVB,但作為香港市民好贊成發牌,多一個電視台多啲新血呢個行業先會進步。」

她又透露正在拍攝劇集《客家女人》,與潘燦良的大膽激情戲已拍了一半,笑言拍的時候震過貓王:「有激咀床戲。(會唔會露背?)點止露背,我露全身,不過有少少嘢圍住。套劇內容比較大膽但唔會過分,題材好新鮮。(覺唔覺近期電視劇趨向重口味?)如果over咗就不雅,但以幽默手法演繹我都ok,自己係樂而不淫,唔鍾意做啲超越電視尺度嘅嘢。」