陳嘉桓呷醋:師兄好多錶戴

日前胡敏珊(Christie)被爆與杜宇航禁室培情,惟女方解釋是幫對方做靈修治療,陳嘉桓則大爆師兄近期多錶戴,直認手錶均由Christie代理,她不禁「酸溜溜」笑指冇師兄咁多錶,令這段「姊弟戀」甚囂塵上!

早前「鐘錶界靚女」胡敏珊(Christie)被《好報》踢爆與武打男星杜宇航暗玩「姊弟戀」,兩人在女方家禁室培情玩足6日,Christie更以「做靈修治療」作解畫,前晚師妹陳嘉桓(Rose)與溫碧霞、周秀娜、苗僑偉夫婦出席「香港肝壽基金20周年慈善籌款」晚會,Rose表示已很久未見師兄杜宇航,又稱對方近日很忙。問到是否忙陪「女友」?Rose大爆:「我都係睇報紙先知,亦都冇問佢哋,反而好多人走嚟問我。不過師兄都多咗錶戴,因為我哋本身有手錶贊助。有次我同樊少皇開工,佢都話師兄隻錶靚仲問咩牌子。(隻錶Christie代理?)係囉,男裝錶,我都冇師兄咁多錶!」

年齡差距擦出火花

記者即笑她應八卦一下戀情,並趁機問對方攞錶戴,Rose則指師兄可能在避電話,令公司同事也找不到他。對於這段「姊弟戀」是否看好,Rose認為各人有各人喜好,並謂女方年紀比男方大,或會擦出不同火花,她又說:「年齡唔係問題,但我唔會搞『姊弟戀』,因為我搵得嘅男友咪得十幾歲?」

溫碧霞重拍成名作

同場的溫碧霞(Irene)正自資搞工作室,她透露計劃重拍其成名作《靚妹仔》,並表示該片對她來說好有意義,又指試鏡期間遇到一個跟她外貌相似的女生,不過Irene稱仍未與對方正式見面。問到新片中是否飾演媽媽?她笑稱不便透露更多內容,並謂:「幾年前撞番《靚妹仔》嘅一個女演員,原來佢已經出咗家,成個人都變晒,令我好感慨。」

文:影視組