楊怡內地遇車禍

視后楊怡昨晨以大使身份到中文大學出席馬拉松活動,但她笑言自己運動細胞是零,問到何不跟男友羅仲謙齊齊健身?她說:「女仔唔使健身嘅,就算有私人教練,我都冇私人健身室啦!(睇咗《古惑仔:江湖新秩序》未?)未呀!會問佢拎飛,唔使一齊去。」

對於缺席前晚劇集《法網狙擊》結局飯局,楊怡笑言會夾錢,並指當晚正身在內地工作,更遇撞車驚魂:「車頭爛咗,有一剎那好驚,好在冇受傷,但最驚係遲到。」對於《法》劇被指劇情犯駁,例如她在法庭休息室內餵奶似乎不合情理,她說:「呢場戲係想表達家庭溫馨,咁緊急關頭都可以好小女人,唔係犯駁,係想畀大家驚奇吓。」