黃長興跳住擺酒舞極限

黃長興上年與太太Peggy於法國波爾多紅酒城堡舉行婚禮及註冊，而二人於香港的婚宴，將於今年三月十六日假洲際酒店舉行，屆時會筵開約四十席。長興現正與太太積極籌備婚宴，兩人日前相約婚禮統籌傾談婚宴細節及試晚裝，為長興做兄弟的王浩信及袁偉豪等亦齊齊去試禮服，眾型男更chok爆影合照。

太太唔玩性感

長興的婚宴主題環繞電影、舞蹈及巴黎，他說到時會與太太跳舞，兄弟們亦要跳舞表演，長興謂：「兄弟嗰part舞大約三十秒，不過我跳嗰隻就高難度啲，我都從未跳過呢隻舞，仲搵咗舞蹈老師同我排舞。我希望有個非一般嘅婚宴，到時即興想玩乜就玩乜。」問長興太太舞技如何，他謂：「佢第一次跳，都好快上手，跳得幾好。」

黃長興（左）將於婚宴與太太共舞，他正積極練習。	王浩信及袁偉豪（左一及二）等為黃長興（右二）做兄弟。	黃長興與太太（左及中）日前與婚禮統籌傾婚宴細節。

長興指婚禮用了六位數字來籌備：「會有live band配合氣氛，希望賓客好好享受，請帖亦係我哋自己設計。」問長興到時太太穿的婚紗會否很性感，他說：「都唔會，（你唔畀？）唔係，我冇所謂，驚老人家接受唔到！」

王浩信受感動

兄弟之一的王浩信指長興很有心思，令他很感動，並有衝動跟太太陳自瑤再到馬爾代夫再影結婚相，他謂：「老婆想再影多輯結婚相，佢鍾意陽光、海灘，之前一直忙拍劇未能成事，希望今年有機會。（長興婚宴你哋要跳舞喎！）唔緊要，最緊要佢哋開心，希望可以令佢哋好難忘。」

文：影視組