倪晨曦頭花誘惑 遭仔熊抱
模特兒倪晨曦（Elva）早前往夏威夷為孖生妹妹的婚禮擔任伴娘，豈料留多幾日遊玩的她卻遇上驚嚇艷遇，頭戴花飾物的她行街時突遭男士擁抱，嚇得她尖叫狂奔，事後得知是花飾戴在頭的左邊累事，原來這是單身證明，結果搞到被熱情者追求。
江若琳師妹倪晨曦與孖生妹妹感情要好，早前妹妹於夏威夷結婚，Elva擔任伴娘，婚禮當日邀請了十多名親朋好友出席，首次擔任伴娘的Elva直言看到妹妹找到幸福歸宿非常開心，笑言不介意被妹妹爬頭，她說︰「冇所謂，佢結咗婚仲好，屋企人就唔會催我。」
盡情吃喝玩樂
單身的她坦言未為婚事着急︰「依家仲搵緊，向來都冇諗過咁快結婚，距離30歲前結婚仲有時間。」難得到夏威夷，Elva更於當地多留一個星期吃喝玩樂，除享受陽光與海灘外，更特地去潛水，她說︰「差唔多日日都去游水、曬太陽，當然仲狂食嘢啦，我唔擔心會肥，所以玩得好盡興。」
單身要戴左邊
令Elva最難忘的，莫過於在當地遇上艷遇，她說︰「當地女仔有個俗例，如果係單身就會在頭嘅左邊戴上花頭飾，戴右邊就係結咗婚，我當時唔知，求其戴喺左邊就去行街。」
結果Elva果然吸引異性目光，更有位男士突然向她熊抱，令她嚇呆及尖叫，她說︰「突然有個男人攬住我，當時被佢嚇一嚇即尖叫，之後即刻跑走咗。」及後她才得知頭戴花飾的含意，原來那位男士看到她表明是單身後即表現熱情，她笑言以後到當地再也不敢亂戴頭飾。
文︰專案組