黎明發誓冇追張曼玉
黎明（Leon）自去年宣布與樂基兒離婚後，緋聞一直傳不斷。早前爆出他秘戀張曼玉（Maggie）的消息，指Leon為追求Maggie，親自在錄音室教授唱歌，以圓女方歌手夢。Leon接受內地媒體訪問時否認傳聞：「我可以對老天爺發誓，我完全冇睇過或者聽過呢個消息，如果我真係幫Maggie錄新歌，咁好嘅事我一定會即刻同大家宣布。」
另外，王晶昨日接受電台錄音訪問時透露，近年曾邀請Maggie合作，但遭婉拒：「佢已經係康城影后，畀佢過自己想過嘅生活啦！冇話一定要做演員，而且要搵啱佢做嘅角色都好難，喺最好嘅時間急流勇退反而仲好。」
