諸葛中暑瞞老公玩過山車
名模諸葛紫岐（Marie）早前同老公Neway二太子薛嘉麟，到新加坡及馬來西亞五天迎接2013年，但旅程中Marie卻因天氣悶焗而中暑，不但發燒發熱，翌日更出現頭痛及骨痛，但她竟瞞住老公去環球影城玩過山車：「我只係話少少唔舒服，佢已經指住啲警告牌叫我唔好玩過山車，但我同佢講冇事，我驚佢唔畀我玩。」最後當然如Marie所願，更成功氹掂老公陪玩：「我玩嗰陣勁尖叫，但老公就非常淡定，不過佢玩完同我講有啲暈。」而她自己亦感不適，要食藥及休息。
雖然不舒服，但Marie與老公再駕車到馬來西亞的Hello Kitty主題公園玩，去到主題屋覺得好有童話感覺：「成間屋層層都見到好多公仔，好可愛，自己由細到大都鍾意，但我最愛都係麵包超人。」擁有八級鋼琴的她看到Hello Kitty的鋼琴都忍不住要大顯身手一番。
