鄭嘉穎唔夠高 冇膽行天橋

藝人鄭嘉穎於巴黎時間16日（前日）出席在當地舉行的Valentino 2013秋冬男裝騷，姍姍來遲的他獲品牌安排坐頭排看騷，同場並巧遇時裝達人黃偉文。嘉穎坦言這次是他首次在巴黎欣賞男裝騷，問到騷後感，他笑說：「節奏好快，我覺得slim cut好適合我，我係着48碼，當中我最鍾意格仔設計。」至於可有想過自己成為男模行騷？他自認不夠高：「佢哋個個都好高大，我唔得。（你謙啫？）唔係。」

開心品嘗法美食

嘉穎又賣口乖地表示很感謝品牌邀請他來看騷，對於日後可有合作機會？他說：「以後都會保持友好關係。」早兩日已到巴黎的他表示完騷翌日為雜誌影相後便即晚離開，並沒有時間購物與遊名勝，他說：「我唔可以留得耐，要趕返橫店拍古裝劇，雖然冇時間行街，但可以品嘗法國美食已經開心，見識吓囉。其實我有成年幾冇放過假，今次當半放假形式工作。」

嘉穎與黃偉文於時裝騷上碰頭。

品牌一系列slim cut與格仔是嘉穎至愛。

萬寶寶享受單身

同晚，萬寶寶與女友人一同欣賞Mugler 2013秋冬男裝騷，她表示經常在北京與香港兩邊飛，現專注設計首飾工作，她設計的首飾在香港與內地都大賣，令她感到很開心，但她表示暫時不會開設專門店，以及會在網上發售。問到感情事，她自言沒有拍拖，亦十分享受單身生活，她又否認擇偶條件高：「感情事好難講，隨緣。」

格仔	萬寶寶（右）與女友人出席時裝周。