張暖雅狂擦美食減肥失敗
性感女星張暖雅（Angelina）早前到馬來西亞打碟搵外快，期間亦不忘四圍「搵食」，她於五日內勁食當地的街頭美食，又大讚當地平價自助餐最正，令原本攰爆的她胃口大增。
Angelina笑言，因打碟時要穿貼身裙，故事前都不敢進食，怕會凸肚，但完騷後便大吃大喝，令原先減肥已有成績的她功虧一簣，她說：「每次出trip兩、三日都會破戒，今次都食大咗個胃，返到嚟都不斷食，依家重咗10磅，就快有100磅啦。我皮膚黑，太肥唔好睇！」談到馬來西亞人很熱情，Angelina表示：「佢哋好nice、會好用心聽你講嘢，簡單過香港同上海人，喺夜店佢哋仲會望住你打碟、向住你跳舞。」
