王祖藍拖字訣叫李亞男等吓先

最近在新劇《老表，你好嘢！》中擔正的王祖藍，下月將變回歌手身份出新碟，日前他就為三首新歌拍攝MV。日前被郭晉安踢爆他要迎娶女友李亞男，祖藍就澄清：「但係有兩個條件，第一套劇要過40點，第二安仔要生多個，呢兩樣難度都好高，所以冇乜可能o架喇！（好唔想結婚咩？）我冇信心啫，等我有層樓向世伯伯母交代先啦，未有咁快！（亞男冇催？）佢咁多人追使乜催吖，我驚都未輪到佢驚啦，等吓先啦。」

小時百厭留疤

祖藍透露親自填詞的新歌《再見葫蘆娃》講述其童年回憶：「童年過得非常開心，如果唔係都唔會有今時今日咁低能、成日扮嘢嘅我！」小時候已跳跳紮的他更撞爆右邊眼角，留下有一道小疤痕：「細個沖完涼喺到扮超人，一撞撞咗落張櫈到，仲要當年唔識送入醫院，喺樓下手術室縫咗兩針咋！」

李亞男	祖藍在鏡頭前只憑一個道具演繹多種心情，難度甚高。

推介玩聲新歌

祖藍全日換上7套靚衫，配上超浮誇表情，拍足了13個鐘MV的他一臉倦容，不過他仍不忙推介新歌《百變怪咖》：「首歌真係好特別，因為成首歌完全冇樂器，全部音都係由Hard Grey嘅beatbox扮出嚟，我喺佢面前都甘拜下風，淨係扮咗二胡聲！」文：音樂組