湯洛雯飛天俯瞰大峽谷

港姐湯洛雯早前到美國紐約、洛杉磯和拉斯維加斯等地旅遊充電,除了到outlet「血拼」滿載而歸,她又坐直升機俯瞰大峽谷自然景象,令她大開眼界。

應屆香港小姐湯洛雯早前到美國出席友人婚禮,首次踏足美國的她順道到紐約、洛杉磯和拉斯維加斯等地旅遊充電。

千幾蚊抵玩

湯洛雯像普通女孩一樣喜歡購物,剛巧遇上當地感恩節大減價,她與友人先後去了三個outlet「血拼」,戰績輝煌大有斬獲!她說:「好多牌子都減到半價,所以衫、褲、鞋襪都買咗好多,咁我又唔係買啲超級名牌,所以都係用咗一萬蚊,最後悔冇聽朋友講帶多個行李箱,都要臨時喺美國買多個行李箱先夠裝啲衫。」

去旅行除了喜歡購物,湯洛雯也喜歡觀光欣賞大自然景色,此行到美國最難忘是在拉斯維加斯坐直升機俯瞰大峽谷,她說:「今次係第一次坐直升機,起飛初時搖搖下、望落去大峽谷就係懸崖峭壁都幾驚o架,但係喺機上咁啱睇到日落,又真係好靚,同埋都幾抵玩,千幾蚊港幣就可以玩成個鐘!」

滑雪嚇到喊

外表硬淨的湯洛雯其實相當柔弱,滑雪更嚇到喊:「自己好耐冇滑雪,但係就上錯咗高難度嘅山坡,惟有頂硬上滑返落嚟,但之後都嚇親喊咗成朝。」她亦有到紐約911遺址悼念,湯洛雯說:「現場有播911片段,心裏面好難受,現場氣氛亦好沉重、難過,我都眼濕濕。」

選完港姐加上今次美國之旅,湯洛雯肥了十多磅,現在要加把勁做運動減肥,她說:「喺美國日日都食漢堡包,分量又大,所以肥咗好多,依家努力踩單車、做瑜伽減肥。」

文:影視組