李蘊禁新歡來港護愛苗
李蘊去年與台灣魔術師劉謙掟煲後，速投另一內地筍盤羅章冠的懷抱，愛得火熱的李蘊為免男友被偷拍，不惜禁止愛郎來港，保護剛萌芽的愛苗。一對小情人更定下盟約，齊齊努力搵錢，又預告將會互見家長，準備愛情長跑！
少女歌手李蘊早前被《好報》踢爆與內地金融才俊羅章冠蜜遊美國後，兩人的戀情亦浮面，提到「高富帥」男友，李蘊甜絲絲說：「佢真係幾高嘅，喺我心目中一定係最靚仔，至於富唔富？只能話佢係一個上進年輕人，為自己事業努力緊。」
希望互見家長
談到拍拖以來的最冧事件，李蘊表示：「見親佢都已經好開心，有次知我唔舒服，佢即刻帶我去睇醫生。」李蘊始終是藝人，其男友難免會被追訪，為保護愛郎，李蘊索性禁止男友來港：「我會錫住佢，叫佢唔好嚟香港，唔想佢成日出鏡，始終對佢唔公平。」她直言已mark實男友，更希望數月內互見家長。
提到與劉謙的一段舊情，有傳男方風流花弗，令「魔術情」極速玩完，對此李蘊說：「唔想評論人哋，好多嘢都係睇報道先知，總之大家有共識唔再聯絡就冇聯絡。」她強調與劉謙並非不歡而散：「冇鬧大交，一段感情要完結時就會完結。」
兼顧愛情事業
經歷上次異地戀的失敗，李蘊現時會與男友每日一call：「真係要見o架，我哋會每日定時玩FaceTime。」她亦積極追求愛情事業兩兼顧，更處女下海拍舞台劇：「劇本係愛情故事，要記對白，開始有啲壓力。」
文：音樂組
攝：林楠
服裝：hoss
髮型：Wing Cheung@Hair Culture
化妝：Gloria@iMakeup