車勝元身材正嘉欣唔過電

穿上桃紅色性感tube dress的李嘉欣明艷動人，惜胸前卻出現離罩情況，不過嘉欣似乎未有介意，並笑說：「咪好囉，我從來都冇試過有咩（事業）線，（谷咪有？）我谷都冇，只谷到皺紋。」問她最近忙甚麼？她晒幸福說：「主力照顧兩位許生（老公許晉亨和兒子），不過最主要係唔好令老公呷醋，佢成日覺得我偏心，總之佢兩個加埋都令我暈咗！」問嘉欣可有看過車勝元的戲？她表示有，並大讚：「佢身形無敵，好高，是靚『衣架』，（畀佢電親？）人妻都會被電親？我只會被大許（許晉亨）電到。（電死？）都要嘅，大家記住寫呢句！」嘉欣又謂因被指煲韓劇似師奶，正盡量戒掉。

同場的車勝元表示第三次來港，讚香港女孩子十分漂亮，並識做地大讚嘉欣是個專業和漂亮的人！他說最欣賞梁朝偉、張曼玉及章子怡，希望將來有機會跟他們合作。曾路過蘭桂坊的他，問會否想去蘭桂坊結識異性？他即笑言很大件事，怕被太太「扭耳仔」，認真搞笑。

粉絲舉牌

半百的車勝元fans在店外守候，並舉着韓文牌為偶像助陣，直至晚上為數三十多個fans在晚宴地點外舉牌，歡迎車勝元。