趙研台灣再戰峰雲
o靚模趙研憑33C驕人身材，早前在遊戲選美比賽中，擊敗台灣「網絡女神」安小蕎，爆冷奪冠！趙研更獲邀到台灣再次與對方「爭峰」，港、台「胸」戰一觸即發！
新進o靚模趙研擁有33C上圍的火辣身材，剛在去年底的「PlayStation Girl」選舉中，擊敗台灣過江龍有「網絡女神」之稱的安小蕎奪冠軍，趙研坦言在賽前未有想過會勝出：「好驚訝竟然可以成功挑戰到，其實當日套衫係入行3年嚟最性感，之前都未試過咁性感！」現任全職模特兒的她於比賽後工作量大增，更獲台灣方面邀請，將於今年3月到當地再與安小蕎較量，並在下半年考慮為一套微電影擔任女主角。
對鏡練習滿足導演
趙研直言對演戲最有興趣：「平時都有到電影公司做Casting，啲導演都有畀番意見我，依家喺屋企對住塊鏡，會練習表情同動作，希望將來演技可以達到導演們嘅要求。」對於現時o靚模不斷湧現，趙研亦知道競爭激烈：「依家香港太多女模特兒，發展空間有限，希望今年可以有更多唔同嘅方向發展。」至於有否考慮到外地如台灣發展？她說：「暫時唔考慮啦，始終香港有太多嘢放唔低，屋企人同埋我兩隻寶貝狗仔喺度！」
Profile
姓名：趙研（Mena）
出生日期：1988年10月7日
三圍：33C-25-35
身高：164cm
體重：44kg
文：專案組
攝：沈健程
髮型：Enson ＆ Candance