伍詠薇獲法拉點醒

伍詠薇與陳法拉再度合作,演無綫新劇《傳愛事務所》,因為二人同於2月14號同日生日。

昨問伍姑娘會否攞假慶生日時,她指要工作為重:「我同法拉之前都合作過,大家同日生日,當年我都問佢攞唔攞假,佢話唔攞,所以我今年都唔攞,其實係後輩點醒咗我要工作為重,法拉係好專業嘅藝人!(點慶生?)唔搞啦,一來多嘢做,二來唔想搞到朋友,最多約埋幾個好朋友食飯,食唔到咪同老公二人世界!」