安志杰密謀旅行求婚
安志杰昨日一臉倦容出席電影《魔警》的開鏡拜神，因為前一晚他為英皇電影《特種救援英雄》開工至凌晨四時多，連拍兩部電影難免會疲倦。之前他曾表示希望今年能夠與女友謝婷婷結婚，情人節將至會否放假一起甜蜜度過？他說：「都答唔到住，唔知啲檔期點，仲要拍，但無論點，3、4月我會同婷婷出埠旅行。（去邊？）唔話你知。」
他坦言腦海已有一些零碎的求婚片段，但還未組織好，笑言希望屆時會盡量浪漫：「希望盡量畀surprise佢。（旅行時乘機求婚？）唔知o架！（結埋婚返嚟？）呢樣又唔會。」安志杰又指婷婷要求不太高，二人只希望婚禮簡簡單單，不會大排筵席，不過他因為太忙，未有時間約見婷婷父母呢！
