張家輝湊女出動269萬辣跑
日前ontv獨家追蹤部隊發現七料影帝張家輝，出動價值約260萬港元的林寶堅尼跑車接載囡囡張童到嘉年華會遊玩，家輝更為愛女一手拎水，一手拎衫，認真廿四孝老竇！
ontv獨家追蹤部隊發現早前因手指尾骨折而停工休息的家輝化身「帶女洪郎」，出動林寶堅尼跑車接載7歲大的囡囡張童（Brittany）到嘉年華會遊玩。適逢愛妻關詠荷重回TVB拍劇，無暇湊女，家輝即撇下影帝身份代為照顧Brittany。當日Brittany甫到場即興奮得紮紮跳，玩盡每個遊樂設施，雖然家輝貴為紅星，仍逐個遊樂設施排隊，十分守規矩。之後他見囡囡玩到滿頭大汗，即使手指受傷也樂於一手拎水，一手替囡囡拎衫，認真唔話得！
禮貌揮手有家教
父女二人玩得十分盡興，直至往酒店停車場取車時，家輝發現ontv獨家追蹤部隊，還友善地揮手表示：「今日比較得閒，咪帶個女嚟玩囉！」在旁的Brittany亦學足爸爸，主動向記者揮手，十分有禮貌，可見家輝與老婆關詠荷平日教導有方！其後家輝取回其林寶堅尼，即讓Brittany坐在辣跑車頭，並細心為其繫好安全帶。想知張家輝的父愛一面？想知家輝如何「廿四孝」？立刻click入ontv去片啦！
文：專案組