何倍倩懷龍鳳胎 老公勒令停工
懷孕四個多月的「恒生新抱」何倍倩（Anina），前日經檢查後證實懷龍鳳胎，已有一子的她大表興奮：「好開心，因為好難得，如果係孖仔嘅話，怕三個仔會打交，龍鳳胎好特別，一男一女令我身體賀爾蒙比較平衡，生理上冇乜大變化。我生第一胎時身體好弱，今次會注重營養吸收，以前唔鍾意飲奶，但為咗BB會飲奶、食芝士同乳酪。」
向來熱衷工作的她更被丈夫勒令停工及沒收電腦，Anina笑言：「因為工作係我夢想，佢惟有支持我，但叫我要休息多啲，以及同朋友出去食飯買嘢。」她又稱因為自己迷信，要待小朋友出世後夾八字才改中文名，英文名方面，由於她喜歡柯德莉夏萍（Audrey Hepburn），所以囡囡會用Audrey，至於囝囝則會用rence結尾，因為想跟大仔Lawrence的名字差不多。