林子善打到暈何浩文操出血

林子善與Bro5成員何浩文(Dominic)近期忙拍新片,兩人親身上陣打到周身傷。子善怕穿崩,拍尾龍骨撞欄戲時堅持棄用保護墊:「幾十年都未試過打到暈!因為着短褲冇得戴Pad,所以打親交就整到成隻腳都損晒。有場戲講我喺茶餐廳踎喺度打人,個膝頭係咁磨地,所以見到成地麵包就攞嚟墊住。」而Dominic則因苦練肌肉而見血:「有日我走咗上貨車頂做掌上壓,但原來個地有鐵片,當時冇發覺,後來覺得有啲痛先知隻腳流晒血。」

談到電影《古惑仔:江湖新秩序》未上映已被網友批評,子善希望觀眾看完再給意見:「藝術嘅嘢好抽象,有人覺得好,有人覺得唔好,成功係睇多人定少人鍾意。」

何浩文服裝:Off The Wall

何浩文髮型:Veron@ Hair Corner

場地:帝盛酒店