無綫藝人王祖藍首部參與編劇的新劇《老表，你好嘢！》，雖然尚未出街，但播放的宣傳片卻被發現遭內地電視台河蟹，有指是因題材敏感，涉及中港矛盾等問題才出事。有廣東省網民反映，他們收看無綫期間，每次播放《老》劇宣傳片，電視畫面便會突然轉播內地廣告，約一分鐘後才回復正常。
祖藍昨日接受記者訪問時對相關傳聞大感驚訝：「吓？成套劇都係講和諧，又點會被人河蟹？」他強調不會因而修改任何內容：「呢套係喜劇，希望大家輕鬆啲去睇。其實我哋剪片時好小心，盡量做到唔好得罪任何人。」他又勸喻各界不要太敏感：「內地電視台播番當地廣告都好正常。」至於監製黃偉聲，則至截稿前未能取得聯絡。