高海寧裸盡 先打後姦
高海寧於劇集中以背部全裸上陣拍攝一場強姦戲，是她拍劇以來裸露最多的一次，被白健恩又打又摑的她坦言不覺痛，只想快些完成拍攝，又坦言平時有做護理，對自己背脊很有信心。
「宅男女神」高海寧於播映中的劇集《法網狙擊》中有場被強姦的戲份，拍攝時全個白滑背部展露觀眾眼前，更遭對手白健恩又打又摑。高海寧飾演一名見習律政師，出身寒微，監製文偉鴻坦言於角色中加入了她現實生活中的一點元素，母親是一名小販，為替母親脫貧，努力向上爬最終做到檢控官。不過期間她到一個迷幻派對拯救一名無知的女鄰居，慘遭醉醺醺的白健恩施暴。今次是高海寧拍劇裸露得最多的一次，白健恩亦是首次拍強姦戲，二人都很緊張。
玉背見得人
高海寧昨日接受電話訪問時謂：「我又唔算好尷尬，我前面着咗件背心，黐晒膠紙好安全，下面唔單止着打底褲，仲着咗條單車褲，（有冇NG？）都拍咗好幾個take，因為佢摑我時一驚自然會避咗先，（摑到好痛？）白健恩都好gentleman，好錫住我，有一下佢摑得我好應，之後仲不停講對唔住，我唔覺得痛，只係想快啲拍完。」拍時要裸露全背，問她有否做定護理，她笑言：「因為都好忙，冇專登去做，不過平時我都有保養，個背脊都見得人。」
唔怕損形象
而白健恩接受訪問時指拍時都有點尷尬，他又大讚高海寧很專業，問拍強姦戲怕否影響形象，他謂：「唔怕，作為新人都唔怕被定型。」此外，之前無綫劇集不少強姦戲引起很多回響，監製文偉鴻表示這場戲不是賣弄色情，他謂：「我哋唔想着重呢場強姦戲，係想講佢遇到呢啲事後點堅強面對。」
文：影視組