林子祥兒子林德信前晚奪「叱咤樂壇生力軍男歌手」銅獎，問得獎感受如何？他說：「我又開心又驚訝又感動，好混亂。」提到得獎後大會特意播放一段林子祥的深情片段，他笑言：「段片幾好笑，我自己都唔知爸爸有拍呢段片，不過開騷前爸爸係咁打畀我問我攞咗獎未，好似爸爸仲緊張過我。」他又稱如果有朝一日由爸爸親手頒獎必定會感動到喊。
