陳豪自嘲路過 Eason認輸得值
陳奕迅（Eason）前晚出席叱咤慶功宴，當晚狂擸3獎成為大贏家的他心情大靚，提到其歌曲《重口味》與「我最喜愛的歌曲大獎」無緣，成為《年少無知》的手下敗將，Eason大方表示《年少無知》值得攞獎：「應該輸畀佢，大家都鍾意呢首歌，輸得抵！」他又坦言看到林保怡奪獎心情好矛盾：「一個前輩歌手，放低唱歌咁多年，突然有獎，見到佢喺台上心情有啲波動。」他又指G.E.M.暗寸叱咤好夠薑。
另外，林保怡因病缺席慶功，留下拍檔陳豪和黃德斌，小儀即上前攬實陳豪，對於《年少無知》大受歡迎，撼贏Eason勇奪大獎，陳豪笑言：「我哋係過路人。」他又大方透露獲女友陳蒽茵媺祝賀。