阿叻出錢出力 撐行梁烈唯

唯唯官司纏身，近日更被指「愁爆shopping」，不過當事人其實心情相當不錯，繼元旦相約阿倫等明星足球隊成員到球場踢波外，昨午再次出動，與阿叻等人飲茶，談笑甚歡，席間唯唯澄清說：「邊係愁吖？嗰日我只係買緊火雞，但唔知要一隻定半隻啫。」他笑言近日頭頭碰着黑，不但惹官非，更因扣滿分而被停牌要以的士代步，不過沒放心上，只會努力做好自己。

感動到想喊

黃浩事件發生後，唯唯獲不少友人力撐，令他感動到一度想哭，透露近日他加入了球隊，開始體會到團體精神的重要，他更套用其新戲內一句對白代表心情：「做錯唔緊要，但唔好做壞事！」總之會本着良心辦事。身旁的阿叻則覺得唯唯吃官司，有兩大主因：「呢件事好多人都發表過意見，包括張學友同譚詠麟，又唔見佢哋收信？可能近日唯唯人氣急升，以為人哋冇錢打官司囉，要搞就搞我啦。」

梁烈唯（右二）昨日與阿叻（左起）、戚美珍及黃杏秀（右）一起茶敍。

曾志偉

p;要討回公道

阿叻揚言「撐硬」曾志偉，而他亦非常痛錫唯唯：「我會全力支持佢討回公道，有錢出錢、有力出力，必要時我借錢畀佢打官司。發生事時我去咗北京同韓國滑雪，返嚟都第一時間打畀唯唯問候。啲雜誌話佢愁爆，原來只不過係為咗買火雞，早知係咁我送兩隻畀佢啦。」另外，記者昨嘗試聯絡黃浩，他以短訊回覆指事件以交由律師與警方處理，至於曾志偉截稿前仍未有回覆。

文：影視組