Amanda S. 型Print上身
Digital Print（DP）在90年代已經流行，從電腦掃描圖案，繼而列印於服裝上，製成型格之作。近年這熱潮再次湧現，不論高級品牌或街牌也愛添加gothic、punk及宗教元素，重新演繹DP的威力。DP圖案已夠豐富，故不用多餘飾物襯托，簡單配搭黑色短boots，已經型格十分。
Amanda S.
「其實高腰褲好難着，唔適合過瘦或臀部豐滿嘅女士。外國人身形會着得靚，Amanda係模特兒兼混血兒，對腳又夠長，所以carry得好好，非常靚！」
徐子淇
「藝高人膽大，係新一代太太、名媛！一般嘅太太都比較保守着淨色，橫間再撞print好有新鮮感，上衣以polo shirt tuck-in，有sporty感，好fresh！」
Ana R.、胡敏珊
以為是一條平平無奇的黑色傘裙？原來重點在後面的透視大露背！胡敏珊（Christie）和Ana R.早前分別在活動穿上同款黑裙，Janice認為Ana穿得比Christie吸引，她說：「條裙已經好密實，唔應該再加同色絲襪，由頭黑到尾咁；Ana騷長腿反而同大露背有呼應感。」
蔡卓妍
「好失敗，平時佢襯衫幾靚，今次卻揀錯服飾。呢條裙冇輪廓，好似一塊布包上身，不但突出唔到優點之外，仲令佢顯得臃腫咗、肥咗。」
吳雨霏
「雖然fashionable，但唔特別，因為聖母圖案好多設計師都有design，冇新鮮感。而且戴咗小帽子呈現淑女感，條裙應該要配襯gothic或punk style嘅髮型，依家個女神髮型完全唔match。」
呂慧儀
「條裙好靚，係大熱門item。可惜佢冇花心思喺妝容同髮型上，呢個係cool嘅造型，應該要化smokey eyes嘅妝容，以及set個型格髮型。」
Angelababy
「穩陣，因為佢先天條件太好，樣貌標致、身材又瘦削，好多衫都容易着到，着任何衫都唔會話差，所以壞處係唔會令人有眼前一亮嘅感覺。」
Who is Janice Wong
王麗儀（Janice Wong），一位時裝作家及博客（blogger），是16年前華語媒體中首位遠赴歐美時裝周報道的時裝編輯。她經常為香港及海外的時裝設計比賽擔任評判，連美國CNN旗下亞洲生活時尚網站及香港Yahoo也分別讚譽她為「香港首位真正的時裝權威」及「時裝文化人」。