麥貝夷偷放煙花遭三語問候
鍾一憲（Jason）與麥貝夷（Karene）將會在工作中度過除夕，數到最難忘的除夕夜，Karene自爆在內地私人地方偷放煙花：「可能玩到嘈得滯，結果被鄰居嬸嬸用英文、國語、廣東話嚟鬧我哋！」Jason則試過醉爆倒數：「同班朋友六點開始飲酒，點知飲醉咗，醒番已經過咗倒數。」
由於他們經常以情侶檔搵銀，令不少追求者誤以為兩人拍拖。Karene笑言：「試過同個男仔過咗曖昧階段，先知佢以為我同Jason拍拖！」Jason稱：「我都Dry足幾年，有時返屋企覺得好寂寞，想有人陪吓。」