傳亞視再炒藝人 王家敏：去到咁嚴重？
有傳亞視今日將再解僱缺席上訓練班的旗下藝人，首當其衝的四人包括甄詠珊、蒲進，和經常推工作的亞姐王家敏及工作態度差的馮雪冰。王家敏昨日接受電話訪問時驚青地說：「唔關事，我之前病咗，已經請咗病假，公司都知，我聽日（今日）會返去上堂。（星期一、三、五先要上。）係咩？多謝提醒。」問是否怕秋後算帳？她猶豫數秒才說：「唔會啩！（之前有人都係咁！）唔係呀嘛！依家情況已經去到咁嚴重？」
問王家敏是否如傳聞中經常推工作？她說：「傳啫！傳乜都有可能啦！」她又稱仍未加簽「演藝訓練必須進行」的條約，問如果公司要求會否簽約？她答：「我唔知道，要睇清楚先，未考慮住，等我上堂再了解吓先。」未知是否怕講多錯多，王家敏以食飯為由匆匆掛線。