梁烈唯蝗蟲撲火見死不救
藝員梁烈唯昨日到電台宣傳，主動透露前晚平安夜在家睇電視遇見「蝗蟲」撞玻璃窗暈倒露台，當時他原本有意上前救「對方」，但想了一回有感「對方」無藥可救最終放棄，並三度表示平安夜過得很快樂。
藝員梁烈唯、陳敏之、高海寧、陳煒及森美昨日為宣傳劇集接受電台訪問，有備而來的他即發表「蝗蟲論」，詳細憶述前晚平安夜於家中見到「盲毛蝗蟲」。
無藥可救
唯唯得戚說：「大家係咪想知我尋晚平安夜點過？平時我好少出街，留喺屋企做家務，所以抹到玻璃窗好乾淨一塵不染，尋晚睇電視聽到玻璃窗『噹』一聲，行埋去睇吓，發現一隻蝗蟲科昆蟲，諗住飛入嚟撲火，因為玻璃太乾淨，佢以為冇玻璃好容易入到，但撞到暈咗跌落露台，我諗好唔好救佢，再諗真啲，佢無藥可救。」他又補充說此時蝙蝠俠出現，飛落露台食了蝗蟲就走，在場的敏之等人聞言全場拍掌。
言論自由
問到所指的「蝗蟲」是誰？唯唯沒有正面回應及指名道姓，並強調香港有言論自由，他說：「香港發生所有新聞，香港市民有權評論，而所講嘅評論係唔構成誹謗成分，我係香港市民評論香港新聞係絕對有權。」至於有否聯絡曾志偉？唯唯說：「冇喎，大家都放緊假好好Enjoy聖誕節，無謂令無聊嘢花無謂時間。」全程訪問，唯唯表現風騷及招積。
文：音樂組