鍾采羲聖誕Dry爆 恨艷遇
聖誕佳節，陳靜（DaDa）一班師妹「混血E神」林宜芝（Monna）、「爆E超蓮」鍾采羲（Iris）及郭穎兒（Celia K.）等早前就相約曾合作微劇的三位男角溫超、張建聲及王宗堯等開Party，單身的鍾采羲更直言聖誕希望有艷遇！
o靚模DaDa一眾師妹Monna、Iris、Celia K.、Mei Mei、Asa及Ayu，早前因拍攝微劇《女生公寓》而與劇中男角溫超、張建聲及王宗堯結片緣，今年更有緣一同開Party慶祝佳節，三位男士可謂艷福無邊，三位o靚模Monna、Iris及Celia.K性感現身，齊齊谷4吋事業線「賣大包」益街坊。Party上大家無拘束地玩得非常開心，氣氛亦相當融洽，但中途眾女生卻嫌棄張建聲及王宗堯，只向內地演員溫超投懷送抱，還黐得實一實大派甜頭給他，實行一盡地主之誼，張建聲及王宗堯見狀惟有作狀扮無癮，非常搞笑。
Celia K.安全至上
問到今年聖誕有甚麼節目？Dry爆的Iris表示：「平時聖誕都會出去玩，希望有艷遇。但今年就小心啲，唔會飲醉，費事畀人乘機抽水。如果今年做完嘢得閒，都會同成班女仔出去玩。」她又透露剛剛去完東京，更大出血花了5位數字Shopping，問有否買禮物送給追求者？她哈哈笑了兩聲說：「有買畀朋友，有女仔friend詐型追我攞手信，但返嚟之後好忙，行李都未執，要遲啲先畀到佢哋。」Celia K.今年聖誕則與師姐DaDa在工作中度過：「正日會同師姐DaDa返內地搵銀，但夜晚都唔會出去喇，一嚟太夜，二嚟都希望安全至上。雖然聖誕唔喺香港，但已經為朋友準備好聖誕禮物。」
文：專案組