徐子珊大殺三方 林峯聖誕冇得抖

又到聖誕,又到聖誕!失落視帝視后的林峯和徐子珊,在今個聖誕節各有各忙,林峯要在內地埋頭趕劇,難得有假期的子珊則忙住享天倫,她笑言小時候被親友「栽培」成「鋤大D」高手,輕易大殺三方!

失落無綫台慶頒獎禮「視帝」、「視后」大獎的林峯和徐子珊,在今日聖誕節各有各精彩。剛完成賀歲片拍攝,兼由年頭忙到年尾的子珊,難得有假期,可以與親友聖誕開派對盡歡,到明日才再投入工作,將會飛往北京開工,順便度過另一番風情的白色聖誕。子珊笑言最難忘的聖誕節,是小時候親友教她玩啤牌「鋤大D」,「鋤大D」有一手的子珊自小大殺三方。

買大屋獎勵自己

子珊雖然失落「視后」,但密密接Job,實在是豐收一年,問到她想買甚麼聖誕禮物獎勵自己?子珊說:「一路都想同屋企人住,其實最想買一間大屋,可以成家人一齊住,依家努力儲緊首期。」子珊失掉獎項,但比起楊怡卻更贏得民心,問子珊是否覺得比獎項還重要?她說:「喺台上講嘅一番話,係自己心底嘅感受,知道有咁多同事錫,覺得好窩心,自己得到嘅係好多。」子珊與林峯關係如同「哎吔兄妹」,可會戥林峯失落「視帝」唔抵?她說:「當然失望,阿峯係三棲藝人,佢三方面都處理得好好。」

操肌迎接演唱會

至於林峯則要在聖誕節往內地趕拍劇集,未能與家人歡度聖誕,而將會舉行演唱會的他,除了拍劇外,也要為演唱會錄歌及練體能,這個佳節實在過得非常充實。

採訪:影視組

髮型:Maggie Law@Kim Robinson