戚黛黛透過肥媽求助兩會

戚黛黛、陳綺雯、張紫櫻以及張啟樂因冬至當日沒返亞視上堂被炒，據知，四人已向同是「演藝人協會」理事及「香港電視專業人員協會」副會長的肥媽求助，希望兩會可以提供幫忙，肥媽昨接受電話訪問承認此事：「因為有個中間人打畀我，話佢哋（被炒的四個亞視藝人）想兩個會幫手，（中間人是誰？）林韋辰，我亦即刻打畀兩個會嘅會長曾志偉同徐小明，雖然四個被炒嘅藝人都唔係兩會嘅人，但因為係同業，佢哋都答應幫手，仲安排律師睇佢哋份約，因為始終唔能夠只聽一方面嘅聲音，兩會都要了解清楚件事，同埋聽番當事人有乜嘢訴求，而電視專業人員協會嘅律師已經睇咗份合約，但一切都要等放完假先知下一步點做。」而林韋辰表示自己不是中間人，只是傳遞消息，之後他們都會自己跟進。