鄧特希：王生、盛生應該上堂
曾與亞視合作的製作人鄧特希，昨日出席其監製外判節目《娛樂CIA》活動，提到亞視炒人，他笑言：「到底佢哋有幾多個藝員？到依家都唔清楚！佢哋擅用資源，嚟嚟去去都係嗰幾個演員，包括自己高層都表演埋，我諗要上堂嘅，可能係唔專業嗰啲，好似盛生、王生。」
鄭啟泰早走執身彩
有指盛品儒及王征有份教授亞視歷史，鄧特希稱該歷史與二人無關，又強調自己從來不屬亞視，他寸爆說：「之前認為亞視有發展空間，但慢慢發現佢嘅定位，係全力得罪香港觀眾！（節目唔可以講亞視壞話？）合約條文係有話從行政角度，佢哋有權刪剪好似董敏莉同提到支持發牌嘅內容。」而前亞視員工鄭啟泰稱早走執一身彩，並謂：「人哋幫你郁，有時吊住唔死，前途又唔知點，畀人炒反而係好事。」
