Lavina黑絲誘惑 老外偷拍
o靚模鍾蕙芝（Lavina）前晚被發現於中環夜蒲，不過Lavina十分乖女，只逗留至凌晨十二時便單拖離場！Lavina雖然以密實全黑look上陣，不過一雙「誘惑黑絲美腿」卻惹來不少男途人眼(目及)(目及)！
受訪猶有餘悸
其中一名老外更對Lavina甚有興趣，全程金睛火眼(目及)到實，眼神更緊隨着Lavina步伐游走，愈(目及)愈起勁的老外，期間更興致勃勃地拿起手機偷拍Lavina最美一刻。至於全程背對住老外的Lavina，則表現鎮定，若無其事地站在街頭等的士，之後便登車離開，老外則「無癮」地離場。
昨日記者致電Lavina，她直指當晚亦有發現該名老外，更猶有餘悸謂：「當時都幾驚，因為擔心佢對我有企圖！」談到為何當晚單拖離開？她說：「我去朋友間舖頭客串打碟，因為DJ朋友仲需要工作，所以我就自己一個人走先！我通常都係為咗工作先出現夜場，我諗下次都要搵朋友陪我一齊走，避免好似今次咁危險！」
文：專案組