陳國峰撐香香有人賞識

《超級巨聲2》隊長陳國峰(Penny)日前出席UFO書發布會,透露:「我有睇開UFO、靈異有關嘅嘢,世界咁大無奇不有。」提到「宅男女神」岑麗香在無綫頒獎禮叫三飛但最終「食白果」,曾和她傳緋聞的陳國峰力撐對方:「佢唔會傷心嘅,佢啱啱入行無耐就有得提名,有提名代表有人賞識。」另外,提到林欣彤(Mag)被指工作量大而暴瘦,同樣巨聲出身的Penny表示不知情:「我都係睇雜誌先知,我兩、三個月前同佢食過飯,嗰時知佢聲帶唔舒服,個樣好似休息唔夠。(慰問吓佢?)畀佢休息吓先。」