阮兆祥赴末日P撐志偉
志偉昨晚相約大批好友在觀塘某工業大廈舉行「攬炒末日派對」，獲群星力撐！佘詩曼、阮兆祥、錢嘉樂、湯盈盈、梁烈唯、苗僑偉及戚美珍各自準備不同食材到場。阮兆祥手挽大袋蔬菜，問到派對有甚麼搞作？他冇厘正經地說：「打邊爐、嗌到會，殺人放火咁囉！順便慶祝錢嘉樂、梁烈唯攞獎。（問候志偉？）佢需要咩？我問候佢？我驚……其實都冇咩嘢，落口供啫！
我仲有好多問題想請教佢。」梁烈唯拖實女友Tina到場，問到會否慰問志偉？他說：「呢啲唔講喇！（擔心？）唔擔心！」阿佘同樣未有回答有關提問，不過就與好姊妹梁靖琪及文頌嫻扶實腹大便便的周家蔚入場，錢嘉樂則透露志偉已向他報平安，不用太擔心。
