周柏豪聽慣衰嘢任鬧唔嬲
周柏豪昨日出席活動時，對於曾傳緋聞的何超雲跟陳山聰傳情變，他避忌說：「多嘢傳，唔知真定假，我都係睇新聞，都唔知件事係點，大家冇聯絡。」談及他打入「我最喜愛的男歌手」五強，卻惹來網民不滿喪鬧，他大方表示不介意︰「更衰嘅說話都聽過。」
另外，周柏豪和官恩娜（Ella）前晚出席麥當勞「6pm It's Mac Time!」新聞發布會，兩人即場試食新餐，柏豪更猴擒大咬炸雞翼，自爆常「打孖上」食快餐，問可擔心變肥仔？他說：「唔驚，我從來都冇熱氣同肥呢回事，因為我會狂做gym、游水同打籃球。」近日他為了個唱而積極操肌，問可有給圈外緋聞女友Stephanie欣賞其「朱古力」腹肌？他變怕醜仔說：「點解無喇喇要畀佢睇，要觀眾買飛入嚟睇！」Ella對於台慶頒獎禮舉行在即，她首推林峯及徐子珊，更為他們拉票，她說：「第一時間投咗佢哋做視帝、視后，仲拉埋朋友、阿爸阿媽投佢哋！」