湯寶如同草蜢死過
將踏足紅館開處女個唱的湯寶如（湯記）得到不少好友如草蜢任嘉賓撐場，曾被草蜢三子取笑跳舞似「斬雞」的她笑言要「復仇」向對方下戰書。
昔日「寶麗金三花」之一的湯寶如為紀念入行20年，將首踏紅館於本月22日舉行處女個唱《湯寶如20年零一夜狂歡演唱會2012》，近排忙為個唱綵排的湯記直言當日請來多位好友如草蜢、阮兆祥、劉小慧及黎瑞恩等任嘉賓，齊齊與歌迷狂歡一晚。
叫傑仔咪着衫
事前透露有不少勁歌熱舞的湯記更向草蜢下戰書︰「佢哋以前成日話我跳舞似『斬雞』，所以今次我一定會同佢哋死過，挑戰佢哋。」她更笑言希望草蜢半裸赴會︰「希望草蜢可以唔着衫嚟。不過都係叫傑仔（蔡一傑）算，另外嗰兩個唔敢叫，因為有家室，一陣劉小慧（蘇志威老婆）斬我會好驚。」至於提到另一嘉賓阮兆祥，湯記則說︰「佢話會畀驚喜我，但死都唔講係咩，不過我唔擔心佢會爆我啲咩，你估我唔知佢啲衰嘢。」
背歌詞壓力大
為準備個唱，湯記自言壓力非常大，她笑言︰「依家晚晚瞓覺前都背歌詞，但之後會發開口夢，瞓醒又再背過歌詞，好似精神病咁。」
文︰專案組
攝︰沈健程
場地︰AL MOLO