陳柏宇愛得平淡拒寫情歌

陳柏宇為轉型做唱作歌手鋪路，早在兩年前已經開始日練結他三個鐘，他說：「之前我練到虎口位肌肉勞損，要做針灸先好番，如果嚴重嘅話，手指公可能會屈唔埋。」

Jason入行五年，出過七張專輯，又得過無數個音樂獎項，不過他直言對過往的作品不甚喜歡：「之前一直都係用一個『第三者』嘅身份去演繹人哋嘅故事，今次用自己嘅故事同自己創作嘅曲，去表達內心想講嘅嘢，希望可以衝破演繹關口。」

女友好OK

Jason講到明不寫大路情歌，原因非常簡單：「我本身好少講愛情嘢，因為我覺得愛情觀係好personal，但如果我要寫情歌，個內容會平凡、好hea，因為我拍拖係祈求安穩同安全感，而唔係追求熱戀、轟烈嘅愛情，加上自己都唔鍾意睇愛情片，亦唔會想聽其他人嘅愛情故事。」

談到愛情，Jason毫不忸怩，他直言：「我每次拍拖都諗住長久，每次都會諗結婚，只可惜冇一個work out到。」咁「現在進行式」呢﹖Jason即甜絲絲說：「OK！由頭到尾都OK！不過到時再算啦。」

文：專案組

攝：吳文聰

場地：Pop Salon

服裝：Kitterick