Cammi單身畀人笑
o靚模謝芷蕙（Cammi）與師妹陳芷敏（Elke）、潘欣妮（Loretta）及趙詠瑤（Vivian）預祝聖誕，更直言憧憬過甜蜜聖誕節。謝芷蕙和三位師妹即異口同聲大爆忙到無暇拍拖，今年要單身過聖誕。Cammi自爆今年約朋友大搞聖誕派對，她說：「佢哋全部人都有男朋友，得我一個係單身，仲笑我無拖拍。（恨拍拖？）其實都唔想拍拖住，自己仲未遇到心儀對象。」而Elke則表示從未在外地過節，今年計劃到異地過白色聖誕。
正所謂「平安夜，失身夜」，四位o靚模各有方法「安全度過」。Elke說：「其實最容易出事係飲醉酒，我自己本身就唔飲酒，其實女仔都應該避免飲酒。」Loretta和Vivian則說：「最緊要係同信得過嘅朋友一齊玩，就算飲醉咗都有個照應！」